Propi tal centro da plazùte,
in chel Gonârs lavoradôr
e an poiàde une statuùte
da Mame dal Signôr.
Quant c’al é el dì dal Perdòn,
la int la puarte in procesiòn
e el paîs i rint l’onôr
pa la glorie dal Signôr.
Se al càpite di passâ
denant dal so altâr,
un inchìn o un segno di crôs,
e al samèe di stâ za miôr.
Madonùte da plazùte,
ten la man su la nestre int,
che conservi tante salût
pa la nestre zoventût.
Madonùte da plazùte,
in chest mont dificoltôs,
fânus passâ cuatri biei dîs
e ten nus un puest in Paradîs.
... Si a simpri di orêi ben a le Mame,
a che ‘chì ancjemò miôr,
parcech’a ié la Mame dal Signôr.
Dino Piu